Ijtimoiy tarmoqlarda Buxoro viloyatining Jondor tumanida yangi klinika yonayotgani haqida xabarlar tarqaldi. Mazkur holat yuzasidan viloyat Favqulodda vaziyatlar boshqarmasi munosabat bildirdi.
Bildirilishicha, bugun, 30 sentabr soat 19:17 da Jondor tumani "Shurobod" MFY Yangihayot qishlog'ida joylashgan, hozirda ish faoliyatida bo'lmagan 3 qavatli binoda yong'in sodir bo'lgani to'g'risida FVBga xabar tushgan. Hodisa joyiga 6 ta yong'in-qutqaruv ekipaji soat 19:20 da etib borib, yong'in soat 19:30 da o'rab olingan va soat 20:55 da o'chirilgan.
Hozirda yong'in sababi va zarari aniqdanmoqda. Hodisa oqibatida tan jarohati olgan fuqarolar to'g'risida xabar tushmagan.
