O‘zbekiston milliy terma jamoasi FIFA kunlari doirasida Quvayt terma jamoasiga qarshi o‘rtoqlik o‘yini o‘tkazadi. Bu haqda Quvayt futbol assotsiatsiyasi rasmiy ma’lumot berdi.
Bellashuv 9 oktyabr kuni Toshkentda bo‘lib o‘tadi. O‘yin vaqti hamda stadion hozircha e’lon qilinmagan.
Statistik ma’lumotlarga ko‘ra, O‘zbekiston terma jamoasi bungacha Quvayt bilan 5 bor to‘qnash kelgan. Ulardan 3 tasida O‘zbekiston g‘alaba qozongan, 2 uchrashuvda esa mag‘lub bo‘lgan.
Eslatib o‘tamiz, O‘zbekiston jamoasi shu oyda yana bir o‘rtoqlik o‘yinida — Urugvay terma jamoasiga qarshi ham maydonga tushishi kutilmoqda. Bu bellashuv ham FIFA kunlari doirasida o‘tkaziladi.
