"Avariya" oqibatida mashina saloniida bo'lgan sinfdoshi halok bo'ldi. Bu haqda "Milliy" telekanali ma'lum qildi.
Hodisa 2025 yil 25 mart kuni, Ramazon hayiti paytida ertalabga yaqin sodir bo'lgan. O'quvchi akasining Tracker avtomobilini olib, soatiga 137 km tezlikda haydagan. Yo'lda boshqaruvni yo'qotgan u ikkita mashina va ustunga borib urilgan. Urilish oqibatida sinfdoshi salondan uchib ketib, voqea joyida vafot etgan.
Sud jarayonida ayblanuvchi quyidagicha ko'rsatma berdi:
"Do'stlarim chaqirganidan keyin akamning mashinasi kalitini oldim. Avtomobillarga qiziqardim. Bunday holat boshqa takrorlanmaydi. Qilgan ishimdan qattiq afsusdaman."
Sud 17 yoshli yigitni Jinoyat kodeksining 266-moddasi 2-qismi (transport harakati xavfsizligi qoidalarini buzish natijasida inson o'limiga sabab bo'lish) bo'yicha aybdor deb topdi. Unga 4 yil ozodlikdan mahrum qilish jazosi tayinlandi. Keyinchalik sud jazoni qayta ko'rib chiqib, 3 yillik shartli ozodlikdan mahrum qilish jazosini belgiladi.
