O‘zbekistonda isitish mavsumida tabiiy gaz iste’moli bo‘yicha bazaviy me’yor 4 oyga 5 barobarga oshiriladi. Bu haqda Energetika vazirligi xabar berdi.
Ma’lum qilinishicha, noyabr—fevral oylarida har bir oy uchun 500 kub metrgacha, mart—oktabrda esa har oy uchun 100 kub metrgacha me’yor belgilangan.
Kuz-qish mavsumida tabiiy gaz iste’moli yuqori bo‘lgani uchun Qoraqalpog‘iston va Xorazmda oktyabr — fevral oylarida ham bir oylik limit 500 kub meter bo‘ladi.
Shu bilan birga, prezidentning tegishli qaroriga asosan, ehtiyojmand oilalarga ishlatilgan elektr energiyasi va tabiiy gaz uchun davlat tomonidan har oyda kompensatsiya to‘lanadi.
Kompensatsiya quyidagicha:
Elektr energiyasi uchun — oyiga bazaviy me’yordan ortiq (200 kVt·soatdan keyingi) 150 kVt·soatgacha;
Tabiiy gaz uchun — qish oylarida 250 kub metrgacha, boshqa oylarda 150 kub metrgacha bazaviy me’yordan ortiq foydalanilgan qismi uchun beriladi.
