Toshkent viloyatida joylashgan Qanqa yodgorligi hududida olib borilgan arxeologik tadqiqotlar davomida V-VIII asrlarga oid ibodatxona va metalldan yasalgan sovut parchalar topilgan. Bu haqda Fanlar akademiyasi Tarix instituti xabar berdi.
Ishlar Qanqa "ochiq osmon ostidagi muzey"ni yaratishga tayyorlash doirasida olib borilmokda. Yodgorlik qadimgi Turonning eng muhim markazlaridan biri hisoblanadi va ko‘pincha tadqiqotchilar tomonidan "Avesto"da tilga olingan Qang‘desh va "Shohnoma"dagi qadimgi Qangdez bilan bog‘lanadi.
Topilmalar "Harbiy tarix markazi" va "Qadimgi dunyo tarixi" bo‘limi mutaxassislari tomonidan qal’aning pastki maydonini o‘rganish chog‘ida topilgan. Arxeologlarning ta’kidlashicha, sovut parchalar ibodatxonaga marosim sovg‘asi sifatida olib kelingan bo‘lishi mumkin - qadimda bu yerda o‘zlari yasagan eng yaxshi buyumlarni qoldirish an’anasi bo‘lgan. Bunday misollar ilgari, xususan, Boykend ibodatxonasida qayd etilgan.
Mutaxassislarning ta’kidlashicha, topilma turkiy xalqlarning harbiy madaniyatini o‘rganishda alohida ahamiyatga ega. Qanqa buni birinchi marta tasdiqlamayapti: 2021 yilda ibodatxonaga kiraverishda ot anjomlari topilgan, yangi artefaktlar esa o‘z davrining harbiy hunarmandchiligi va diniy amaliyotining yuqori darajasini ko‘rsatadi.
