Mahalliy OAVning yozishicha, Tehronda havo sifati xavfli darajagacha yomonlashgani bois maktab va universitetlar yopilib, onlayn ta'lim rejimi joriy etildi. Bu haqda Zamon.uz nashri ma'lum qildi.
Shuningdek, favqulodda xizmatlar, tibbiyot, harbiy va huquqni muhofaza qilish organlaridan tashqari barcha davlat va xususiy sektor xodimlariga masofadan ishlashga ruxsat berilgan.
Shahar va uning atrofida soat 06:30 dan 20:30 gacha transport harakati cheklangan. Yuk tashuvchi transport vositalarining harakati ham taqiqlangan, biroq tez buziluvchan mahsulot va yoqilg'i tashuvchilarga istisno qilingan.
Rasmiylarga ko'ra, agar havoning sifati yaqin kunlarda yaxshilanmasa, amaldagi cheklovlar yanada kuchaytirilishi va ularning muddati uzaytirilishi mumkin.
