Oliy sud xabariga ko‘ra, Jinoyat ishlari bo‘yicha Quva tuman sudining 2025 yil 28 noyabrdagi hukmi bilan A. X. 1986 yilda tug‘ilgan, Furoat tumani IIB boshlig‘i lavozimida ishlagan va 1991 yilda tug‘ilgan, Furoat tumani IIB boshlig‘ining birinchi o‘rinbosari lavozimida ishlagan J.R. Jinoyat kodeksining:
— 141-3-moddasi 2-qismi “b” bandi (Shaxsning sha’nini va qadr-qimmatini kamsituvchi hamda inson hayotining sir tutiladigan tomonlarini aks ettiruvchi ma’lumotlarni oshkor qilish);
— 142-moddasi (Fuqarolarning turar joyi dahlsizligini buzish);
— 206-moddasi 1-qismi (Hokimiyat yoki mansab vakolati doirasidan chetga chiqish);
—230-2-moddasi 1-qismi (Aybsiz kishini javobgarlikka tortish) va 234-moddasi 1-qismida (Qonunga xilof ravishda ushlab turish yoki hibsga olish) nazarda tutilgan jinoyatlarni sodir etganlikda aybli deb topildi.
A. X. va J. R.ning har biriga 3-yil muddatga Ichki ishlar vazirligi tizimida hamda davlat ishtirokidagi korxona, muassasa va tashkilotlarda mansabdorlik va moddiy javobgarlik yuklangan ishlarda ishlash huquqidan mahrum qilgan holda 4-yil muddatga ozodlikdan mahrum qilish jazosi tayinlandi.
Tayinlangan jazoni manzil-kolonialarida o‘tattirilishi belgilandi.
