AQSh prezidenti Donald Trump Venezuela havo hududi to‘liq yopilishini e’lon qildi. Venezuela rasmiylari Trumpning bayonotini navbatdagi "Venezuela xalqiga qarshi ortiqcha, noqonuniy va asossiz tajovuz" deb atadi.
Oktyabr oyidan beri Qo‘shma Shtatlar Karib dengizi mintaqasida harbiy ishtirokini kuchayitirmoqda va giyohvand moddalar savdosiga qarshi kurashayotganini da’vo qilmogda. Venezuela prezidenti Nikolas Maduro bu da’volarni rad etadi va davom etayotgan harakatlarni uning lavozimidan chetlashtirishga urinish deb hisoblaydi.
"Barcha aviakompaniyalar, uchuvchilar, giyohvand moddalar savdosi bilan shug‘ullanuvchilar va odam savdosi bilan shug‘ullanuvchilarga shuni ma’lum qilamizki, Venezuela va uning atrofidagi havo hududi butunlay yopiladi. Bu masalaga e’tiboringiz uchun rahmat!" AQSh prezidenti shanba kuni TruthSocial ijtimoiy media platformasida yozdi.
"Venezuela bugun ijtimoiy tarmoqlarda e’lon qilingan AQSh prezidentining Venezuelada AQShning noqonuniy yurisdiktsiyasini ekstraterritorial tarzda qo‘llashga urinayotgan bayonotini qat’iyan rad etadi", - deya javob berdi Venezuela TIV.
Sentabr oyi boshidan beri Qo‘shma Shtatlar Karib dengizi va Tinch okeanining sharqiy qismida giyohvand moddalar kontrabandasida gumon qilingan 20 dan ortiq kemaga zarar berdi va kamida 83 kishini o‘ldirdi.
AQSh aviatsiya regulyatorlari avvalroq aviakompaniyalarni Venezuela yaqinida keskinlik kuchayganligi sababli ehtiyotkor bo‘lishga chaqirgan, bu esa yirik aviatashuvchilarni parvozlarni to‘xtatishiga olib kelgan.
Keyinchaлик Karakas oltita aviakompaniya - Iberia, TAP, Gol, Latam, Avianca va Turkish Airlines - parvozlarni qayta tiklash uchun 48 soatlik muddatni bajara olmaganligi uchun o‘z hududiga qo‘nishni taqiqladi.
Qo‘shma Shtatlar Venezuela qirg‘oqlari yaqinida o‘zining harbiy ishtirokini faol ravishda oshirmoqda. Mintaqaga Gerald Ford samolyot tashuvchi kemasi, atom suv osti kemasi, dengiz piyodalari va boshqa jangovar kuchlar yuborilgan.
