Xitoyning Chjejzyan provinsiyasidagi Xanchjou safari parkida namoyish vaqtida qora ayiq o‘rgatuvchiga kutilmaganda hujum qilgan. Hodisa tasvirlari internetda tez tarqaldi.
Ma’lumotlarga ko‘ra, sahnada ikki ayiq va ikki xodim bo‘lgan. Namoyish tugagach, ayiq bir xodimga sakrab, uni yerga yiqitgan.
Boshqa xodimlar stul va tayoqlardan foydalangan, ammo ayiq yana hujum qilgan.
Park ma’muriyati bayonotiga ko‘ra, na o‘rgatuvchi, na ayiq jiddiy jarohat olmagan. Hodisa sabab ayiqning namoyishdagi ishtiroki vaqtincha to‘xtatilgan.
