"Asia-Plus" xabar berishicha, fojia 27 dekabr kuni Dang‘ara–Sarband avtomobil yo‘lida yuz bergan. Ma’lumotlarga ko‘ra, to‘y kortezhi Vose tumanidan Jaloliddin Balxiy tumaniga kelinni olish uchun yo‘lga chiqqan.
Dastlabki ma’lumotlarga ko‘ra, kortezh tarkibidagi elektromobil qarama-qarshi yo‘nalishda harakatlanayotgan Lexus avtomashinasi bilan to‘qnashgan. Natijada elektromobil haydovchisi va uch nafar yo‘lovchisi voqea joyida halok bo‘lgan. Ular 15 yoshdan 42 yoshgacha bo‘lgan, Vose tumani aholisi ekani aytilmogda.
Shuningdek, Lexus avtomashinasida bo‘lgan yo‘lovchilar og‘ir tan jarohatlari bilan shifoxonaga yotqizilgan. Hodisa sabablarini aniqlash bo‘yicha tergov harakatlari olib borilmogda.
