HRANA huquqni himoya qilish tashkiloti ma'lumotiga ko'ra, huquq-tartibot organlari tomonidan 1200 nafardan ziyod namoyish ishtirokchisi qo'lga olingan.
Halok bo'lganlar orasida 29 nafar namoyishchi, to'rt nafar voyaga yetmagan shaxs hamda ikki nafar xavfsizlik xizmati xodimi bor.
Mahalliy OAV xabarlariga ko'ra, so'nggi 24 soat ichida namoyishlar faolligi pasaygan, zo'ravonlik holatlari qayd etilmagan.
Eslatib o'tilishicha, norozilik aksiyalari 28 dekabr kuni milliy valyuta — rialning AQSH dollariga nisbatan keskin qadrsizlanishi ortidan boshlangan.
