“Real” jamoasi yarim himoyachisi Xames Rodriges qishki transfer oynasida klubni tark etmaydi. Bu haqda kolumbiyalik futbolchining agenti Jorje Mendesh ma`lum qildi.
“Xames qishda “Real”ni tark etmaydi”, – ishonch bilan aytdi Mendesh.
Avvalroq Xames etarlicha o`yin amaliyotiga ega bo`lmayotgani uchun “Real”ni tark etishga qaror qilgani haqida xabarlar paydo bo`lgandi.
Joriy mavsumda Xames La Liganing 8 ta o`yinida, shulardan 4 tasida asosiy tarkibda maydonga tushib, 1 ta gol va 2 ta golli pasga mualliflik qildi.