Ma’lum qilinishicha, tuman Soliq inspektsiyasi bosh inspektori paxta va g‘alla yetishtirishga ixtisoslashgan fermer xo‘jaligi rahbarining ishonchiga kirib, xo‘jalikning soliq organlari oldidagi 165,6 mln so‘m qarzdorligini viloyat soliq boshqarmasidagi tanishi orqali uzaytirib berish evaziga 10 mln so‘m talab qilgan.
Davlat xavfsizlik xizmati va Bosh prokuratura huzuridagi Departament xodimlari o‘tkazgan tezkor tadbirda u pulni o‘z xizmat xonasida olgan vaqtida ashyoviy dalillar bilan ushlangan.
Holat yuzasidan unga nisbatan Jinoyat kodeksining 168-moddasi 3-qismi “v” bandi va 28, 211-moddasi 1-qismi bilan jinoyat ishi qo‘zg‘atilib, “qamoq” ehtiyot chorasi qo‘llangan. Ayni paytda tergov harakatlari davom etmoqda.
