Маълум қилинишича, туман Солиқ инспекцияси бош инспектори пахта ва ғалла етиштиришга ихтисослашган фермер хўжалиги раҳбарининг ишончига кириб, хўжаликнинг солиқ органлари олдидаги 165,6 млн сўм қарздорлигини вилоят солиқ бошқармасидаги таниши орқали узайтириб бериш эвазига 10 млн сўм талаб қилган.
Давлат хавфсизлик хизмати ва Бош прокуратура ҳузуридаги Департамент ходимлари ўтказган тезкор тадбирда у пулни ўз хизмат хонасида олган вақтида ашёвий далиллар билан ушланган.
Ҳолат юзасидан унга нисбатан Жиноят кодексининг 168-моддаси 3-қисми “в” банди ва 28, 211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилган. Айни пайтда тергов ҳаракатлари давом этмоқда.
