Madridning Real Madrid klubi yarim himoyachisi Eduardo Kamavinga Italiyaning Yuventus transfer ro‘yxatidan joy oldi.
Ma'lumotlarga ko‘ra, turinliklar fransiyalik futbolchi bo‘yicha dastlabki so‘rovni yuborgan. Mish-mishlarga qaraganda, Kamavinga ko‘proq o‘yin amaliyotiga ega bo‘lish maqsadida jamoasini almashtirish variantini ko‘rib chiqmoqda.
La Gazzetta dello Sport xabariga ko‘ra, "Yuventus" futbolchini keyinchalik to‘liq sotib olish huquqi bilan ijaraga olish imkoniyatini muhokama qilmoqda.
Transfermarkt bahosiga ko‘ra, 23 yoshli yarim himoyachining transfer qiymati 50 million yevroga teng. Uning "Real" bilan amaldagi shartnomasi 2029 yilgacha mo‘ljallangan.
O‘tgan mavsumda Kamavinga madridliklar safida 43 ta uchrashuvda maydonga tushib, 2 ta gol va 1 ta golli uzatma muallifi bo‘lgan.
