Kiprning Nikosiya shahrida o‘tayotgan 2026-yilgi Nomzodlar turnirida o‘zbekistonlik grossmeyster Javohir Sindorov muddatidan oldin g‘alabalikni qo‘lga kiritdi.
13-turda niderlandiyalik Anish Giri bilan durang o‘ynagan Sindorov ochkolar sonini 9,5 taga yetkazib, eng yaqin ta’qibchilaridan 2 ochkoga ilgarilab ketdi. Shu tariqa, u so‘nggi tur natijasidan qat’iy nazar birinchi o‘rinni kafolatladi.
20 yoshli shaxmatchi 6 ta g‘alaba bilan turnir rekordini yangilab, avvalgi natijalarni ortda qoldirdi. Endi u jahon chempioni, hindistonlik Dommaraju Gukeshga qarshi bahs olib boradi.
