O‘zbekiston Respublikasi Prezidentining 2026 yil 16 apreldagi “9 may – Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi PQ-139-son qarori ijrosi yuzasidan Bosh prokuratura, Toshkent shahar, Transport va Harbiy prokuraturalari tomonidan qator tadbirlar o‘tkazildi.
Jumladan, 8 may kuni Bosh prokuratura rahbariyati va jamoasi, Toshkent shahar prokuraturasi, Harbiy va Transport prokuraturalari, shuningdek Faxriylarni ijtimoiy qo‘llab-quvvatlash markazi va Jamoatchilik kengashi a’zolari bilan birgalikda G‘alaba bog‘iga tashrif buyurdi.
An’anaga muvofiq, “Matonat madhiyasi” yodgorligi poyiga gulchambar qo‘yilib, Vatan himoyasi yo‘lida halok bo‘lganlar xotirasiga hurmat bajo keltirildi.
