Mashhur xonandalar Sher va Keti Perri, aktrisa Skarlett Yoxansson va boshqa yulduzlar AQShning yangi prezidenti Donald Trampga qarshi ayollar tomonidan o`tkaziladigan norozilik namoyishida ishtirok etadi, deb xabar berdi “Ria.ru” nashri.
Mazkur norozilik namoyishi 21 yanvar kuni, yangi prezidentning inaugurasiyasidan keyin Vashingtonda do`stona tarzda o`tkazilishi ko`zda tutilgan. Yuqorida nomlari keltirilgan mashhurlarga aktrisalar Amerika Ferrera, Emi Shumer, Julianna Mur va Frensis Makdormendlar ham qo`shiladi.
O`sha kuni AQShning boshqa shtatlarida ham xuddi shunday namoyishlar o`tkaziladi. Masalan, Yuta shtatida o`tkaziladigan tadbirga aktrisa va teleboshlovchi Chelsi Xendler rahbarlik qiladi.
AQShning 45 prezidenti bo`lgan Donald Trampning inaugurasiyasi 20 yanvar kuni mahalliy vaqt bilan soat 12.00 da, kongresslar o`tkaziladigan Kapitoliya binosida bo`lib o`tadi. Tramp inaugurasiya nutqini shaxsan o`zi yozishni rejalashtirgan. Mazkur tadbirda uch millionga yaqin odam ishtirok etadi.
