Rossiyaning Angarsk shahrida yashovchi Mixail Popkov “Komsomolskaya pravda” saytiga bergan intervyusida tergovni chalg`itmaganligini va xizmat mavqeidan hech qachon foydalanmaganligini ma`lum qildi, deb xabar berdi “Tvzvezda.ru” nashri.
Hisobida 60 dan ortiq ayolning hayotiga nuqta qo`ygan qotil Mixail Popkov hali milisiya xodimi bo`lib ishlayotgan paytidayoq qotillikka qo`l urgan. U jurnalistning “Izlarni mohirona yashirganligi” to`g`risida bergan savoliga “Bu erda hech qanday mohirlik haqida gap bo`lishi mumkin emas, hech qachon iz qoldirmaslik kerak, bu esa juda oddiy!” deb javob berdi.
Mixail Popkov tezkor navbatchi lavozimida ishlagan, tergovga aloqasi bo`lmagan.
“Mening vazifam bor-yo`g`i jinoyatlar haqida tushgan xabarlarni tegishli kitobga qayd etish, tezkor xodimlarni voqea joyiga olib borish uchun transport xizmatini tashkil etishdan iborat edi. Boshqa jarayonda ishtirok etmaganman”, dedi qotil.
U ikki marotaba o`zi amalga oshirgan jinoyat joyiga chiqqan.
“Bir jasadni bir necha oydan keyin, yana birini esa voqea ro`y bergan kunning ertasiga topishdi. Men tezkor xodimlar bilan voqea joyiga chiqqanda ham qo`limdan hech nima kelmasdi. Ularning ko`z o`ngida dalil-isbotlarni yo`q qilolmasdim. Umuman olganda hech qanday dalil-isbotning o`zi yo`q edi. Chunki jinoyat sodir etganda umuman iz qoldirmaganman”, deb takrorladi Mixail Popkov.
Qotil aynan izlar, DNK ekspertizasi orqali aniqlandi. O`sha paytlarda huquq-tartibot idoralarida bu yangi qo`llangan usul edi. Popkov shu erga kelganda bilimsizlik qilganini tan oldi.
“DNK ekspertizasi o`tkazilishi xayolimga ham kelmagandi, chunki men boshqa asrning odamiman. Hozirgi zamonaviy texnologiyalar, usullar ilgari qo`llanmagan. Agar ulardan xabarim bo`lganda, hozir bu erda o`tirmagan bo`lardim”, dedi qotil.
Hozirda Mixail Popkov 1994 yildan 2000 yilgacha bo`lgan davr mobaynida isbotlangan 22 ta qotillik bo`yicha bir umrlik qamoq jazosiga hukm qilingan. 2017 yilning yanvar oyida tergov yana 25 epizod bo`yicha uni qotillikda aybladi. Mixail Popkov 60 dan ortiq ayolni o`ldirganini tan oldi. U ichki ishlar xizmatidan bo`shagandan keyin avtomobilda Vladivostokka qatnagan, jasadlarni esa yo`l chekkasiga ko`mib ketgan.
15.07.2023, 09:45
Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...
14.02.2023, 13:14
Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
30.01.2023, 12:54
Daniyalik siyosatchi Rasmus Paludan Rossiyaning Daniyadagi elchixonasi yaqinida uchinchi marta Qur`onni yoqib yubordi. Endi u buni "Checheniston va uning rahbarining aybi bilan" qilganini, shuningdek, chechenistonlik...
13.12.2022, 11:03
Qozog`iston gaz ittifoqini yaratish masalasini muhokama qilmadi, deb xabar qildi mamlakat energetika vazirligiga tayanib Ria Novosti. "Qozog`iston, Rossiya va O`zbekiston gaz tashish tizimlarining texnik imkoniyatlarini muhokama...
