Qirg`iziston markaziy sud-tibbiyot ekspertizasiga 31 nafar halok bo`lganlarning jasadi topshirildi, deb xabar berdi “Vesti.ru”
Bishkek kasalxonasiga shaxsi aniqlangan, 12 nafar tan jarohati olgan odamlar yotqizilgan. Hozirda halok bo`lganlarning ro`yxati tuzilmoqda. Qurbon bo`lganlarning yaqinlari bilan maxsus ikki guruhdan tashkil topgan psixoterapevtlar ish olib bormoqda.
Qirg`iziston sog`liqni saqlash vazirligi mamlakat fuqarolarini halok bo`lganlarning shaxsini aniqlashda yordam berishga chaqirdi.
Samolyot halokatga uchragan mazkur qishloqda yashovchi fuqarolarning aniq ro`yxati bo`lmaganligi jasad qoldiqlarini identifikasiya qilish ishlarini qiyinlashtirmoqda.
Eslatib o`tamiz, bugun ertalab Turkiya aviakompaniyalaridan biriga tegishli “Boing” yuk tashish samolyoti Bishkek shahri yaqinidagi dala hovlilar joylashgan, aholi yashaydigan qishloq ustiga qulagan. Halokat oqibatida 32 ta uy vayronaga aylangan.
