Қирғизистон марказий суд-тиббиёт экспертизасига 31 нафар ҳалок бўлганларнинг жасади топширилди, деб хабар берди “Vesti.ru”
Бишкек касалхонасига шахси аниқланган, 12 нафар тан жароҳати олган одамлар ётқизилган. Ҳозирда ҳалок бўлганларнинг рўйхати тузилмоқда. Қурбон бўлганларнинг яқинлари билан махсус икки гуруҳдан ташкил топган психотерапевтлар иш олиб бормоқда.
Қирғизистон соғлиқни сақлаш вазирлиги мамлакат фуқароларини ҳалок бўлганларнинг шахсини аниқлашда ёрдам беришга чақирди.
Самолёт ҳалокатга учраган мазкур қишлоқда яшовчи фуқароларнинг аниқ рўйхати бўлмаганлиги жасад қолдиқларини идентификация қилиш ишларини қийинлаштирмоқда.
Эслатиб ўтамиз, бугун эрталаб Туркия авиакомпанияларидан бирига тегишли “Боинг” юк ташиш самолёти Бишкек шаҳри яқинидаги дала ҳовлилар жойлашган, аҳоли яшайдиган қишлоқ устига қулаган. Ҳалокат оқибатида 32 та уй вайронага айланган.
