Buyuk Britaniya shahzodasi Garri sevgilisi, amerikalik aktrisa Megan Marklni akasining rafiqasi, Kembrij gersoginyasi Keyt Midlton bilan tanishtirdi, deb yozadi “Vesti”.
Uchrashuv Londondagi Kensington qasrida bo`lib o`tdi.
Ma`lumotlarga ko`ra, Megan Markl Garrining hayotidagi “eng muhim qiz” bilan ham tanishgan. Gap shahzodaning jiyani malika Sharlott haqida ketmoqda.Keyt Megan bilan tanishishni kutayotgan edi. Ma`lumotlarga ko`ra, shahzoda Garri kelinoyisi Keyt bilan o`ta yaqin munosabatda va uning fikrini qadrlaydi. Avvalroq paparassi Bukingem qasriga kirib ketayotgan 35 yoshli aktrisa va shahzoda Garrini suratga olgan edi. Bu surat tufayli ko`pchilik OAV Garri va Meganning birga yashayotgani haqida maqolalar chop etgan edi.
