Буюк Британия шаҳзодаси Гарри севгилиси, америкалик актриса Меган Марклни акасининг рафиқаси, Кембриж герцогиняси Кейт Мидлтон билан таништирди, деб ёзади “Вести”.
Учрашув Лондондаги Кенсингтон қасрида бўлиб ўтди.
Маълумотларга кўра, Меган Маркл Гаррининг ҳаётидаги “энг муҳим қиз” билан ҳам танишган. Гап шаҳзоданинг жияни малика Шарлотт ҳақида кетмоқда.Кейт Меган билан танишишни кутаётган эди. Маълумотларга кўра, шаҳзода Гарри келинойиси Кейт билан ўта яқин муносабатда ва унинг фикрини қадрлайди. Аввалроқ папарацци Букингем қасрига кириб кетаётган 35 ёшли актриса ва шаҳзода Гаррини суратга олган эди. Бу сурат туфайли кўпчилик ОАВ Гарри ва Меганнинг бирга яшаётгани ҳақида мақолалар чоп этган эди.
