Xitoylik “niqobli” bola atrofdagilarni hayratga soladi

Xitoyda yashaydigan Kang Kang ismli bolada rivojlanishning kam uchraydigan nuqsoni qayd etilgan. U yuz mushaklarining noto`g`ri rivojlanganidan aziyat chekadi, deb yozadi “Vesti”.

Kang Kangni boshqalar ikki yuzli bola deb ham atashadi. Uning tashqi ko`rinishi xuddi yuziga niqob kiyib olgandek taassurot uyg`otadi. 

Bolaning onasi I Liansi (Yi Lianxi)ning aytishicha, o`g`li dunyoga kelganida u 23 yoshda edi. Homiladorlik davrida u bir necha marotaba ultratovush tekshiruvidan o`tgan, biroq uning farzandida hech qanday nuqsonlar aniqlanmagan. Tug`ruq jarayonida ishtirok etgan shifokorlar bolaning yuzini ko`rib, qo`rqib ketishgan, hatto uni onasiga ko`rsatishga ham qo`rqishgan. Ular bolaning onasiga farzandidan yuz o`girishni maslahat berishgan. Biroq Kang Kangning ota-onasi bunga rozi bo`lmagan. Kang Kangning ota-onasi Xitoydagi olis qishloqlardan birida yashaydi. Qo`shnilar va boshqa notanish kishilar bolakayga qo`rquv va jirkanpish bilan qaraydi. 

Keng jamoatchilik bu noodatiy ko`rinishga ega bola haqida 2010 yilda xabar topdi. Mahalliy telekanallar bola haqida bir nechta reportajlar tayyorlab, efirga uzatdi. Hozirda ko`ngillilar tomonidan bolaga yordam berish uchun pul yig`ilgan. Uning yuzini o`zgartirish uchun murakkab operasiya o`tkazish talab qilinadi.