Nyu-Yorkda yangi saylangan AQSh prezidenti Donald Trampga qarshi norozilik namoyishi o`tkazildi, deb xabar berdi “Ria.ru” nashri.
Inaugurasiyadan bir kun ilgari o`tkazilgan norozilik namoyishida shahar meri Bill de Blazio, Gollivudning mashhur yulduzlari Robert De Niro, Mark Ruffalo, Aleks Bolduin, rejissyor Maykl Mur va xonanda Sherlar ishtirok etishdi.
Mitingda so`zga chiqqan Robert De Niro Trampni “Mamlakatga salbiy ta`sir ko`rsatuvchi inson”, deb atadi.
Sahnada “Biz qarshilik ko`rsatishdan to`xtamaymiz, chunki biz sevgan hamma narsalar xavf ostida qolmoqda!”, degan so`zlar yangradi.
Norozilik namoyishi WeStandUnited ("Biz hammamiz birgamiz”) shiori ostida o`tkazildi. Bu chaqiriq ijtimoiy tarmoqlarga ham keng yoyildi.
Namoyish ishtirokchilari Trampni irqiy jihatdan odam ajratishda, dinga toqat qilolmaslikda ayblab, muhojirlarning haq-huquqini himoya qilishdi. Shuningdek, iqlim o`zgarishiga qarshi kurashda qo`llab-quvvatlashni so`rashdi.
