Ona sayyoramizdagi har bir inson ezgulik va mehr-muhabbatga ehtiyoj sezadi. Bu tuyg`ular odamlarga eng bedavo darddan tuzalishga, inson qadami etmagan orolda jon saqlashga, aosiysi hayotidagi bo`shliqni baxt va quvonchga to`ldirishga yordam beradi.
Biz ham ezgulik yo`lida bajarilgan har bir harakat izsiz ketmasligiga, e`tiborsiz qolmasligiga ishonamiz. Shuni hisobga olib, quyida bag`rikeng va olijanob insonlar hayotidan olingan yangi lavhalar bilan sizni tanishtirishni lozim topdik.
Veterinar ayol 1100 ta mushukni asrab oldi
67 yoshli Lini Lattansioning haqiqatan ham bag`ri keng. U 7 yildan beri ko`chada qarovsiz qolgan mushuklarni bag`riga olib, ularni davolab, yangi oilalarga joylashtirish bilan mashg`uldir. Lini ancha vaqtgacha, hech kimning ko`magisiz bu ishlarni mustaqil ravishda bajardi. Biroz keyin unga ko`ngillilar yordam bera boshladi. Ayni vaqtda Linining xonadonida sog`lom, parvarish qilingan 1000 dan ortiq mushuklar istiqomat qilmoqda.
Saraton kasalligiga chalingan ayollarning uyida tekinga xizmat qiluvchi firma
Kompaniya asoschisi Debbi Sardonning bu g`oyani amalga oshirishiga mijozlardan birining saratonga qarshi davolanayotgani tufayli mazkur kompaniya xizmatidan foydalana olmasligi haqida qilgan qo`ng`irog`i sabab bo`lgan. Kompaniyaning maqsadi saratonga chalingan ayollarni uy yumushlaridan butunlay ozod etib, ularning butun diqqat-e`tiborini sog`ligi va davolanishga qaratishdan iboratdir. 2006 yilda beri firma 19 ming nafar ayolga xizmat ko`rsatib, xizmat uchun 5,5 million dollar pul sarfladi.
Kasal va daydi itga hayot baxsh etgan ayol
O`tgan yilning aprel oyida gresiyalik Valia Orfanidu ko`chada yotgan kasal itga ko`zi tushdi. U itga yordam berishni ko`ngliga tugdi, ammo yordam berish oson ish emasdi. Og`ir kasallik holdan toydirgan Pyotr (itning laqabi) odamlarni ko`rganda qo`rquvdan qaltirardi. Ammo ayol ortga chekinmadi, oradan ma`lum muddat o`tgach, it tanib bo`lmas darajada o`zgardi.
Erkak uysiz daydini har kuni qahva bilan mehmon qildi, daydi esa uning yaxshiligini qaytardi
Har kuni ertalab o`zining sevimli qahvaxonasida nonushta qiladigan Jo Uilson qahvaxona yonida turadigan daydi erkak Danielni sovuq kunlarda qaynoq qahva bilan mehmon qiladigan bo`ldi. Odatdagi kunlardan birida u nonushta qilish uchun qahvaxonaga kirdi va ovqat haqini to`lamoqchi bo`lganda, ofisiant unga ovqat va xizmat haqi to`langanligini ma`lum qildi. Ma`lum bo`lishicha, Daniel lotereyada pul mukofotini qo`lga kiritgani uchun sovuq kunlarda uni qaynoq qahva bilan siylagan Joga minnatdorchilik tariqasida ovqat pulini to`lagan ekan.
Zoologlar to`dadan qolib ketgan fil bolasini uyda parvarish qilishdi
To`dadan ajralib qolgan fil bolasi daryodan o`tayotganda oqib ketishiga bir bahya qoldi. Agar zoologlar uni qutqarib, uyiga olib ketmaganlarida chiyabo`rilar qurboniga aylanishi hech gap emasdi. Zoologlar filchani Moyo deb atashdi. U xuddi kuchuk bolasidek, bezori va tinib tinchimasdir. Filcha o`zini o`z uyida yurgandek his qiladi, uni atrofdagi hamma narsa qiziqtiradi, doimo sho`xlik qiladi. Filcha nimaiki qilmasin, mehr-muhabbat og`ushida, xavfsiz joyda voyaga etmoqda.
Afg`on qishlog`ida yashovchi kambag`al bolaning orzusini ro`yobga chiqargan futbolchi
Ustiga polietilen paketdan yasalgan Messining futbolkasini kiygan afg`onistonlik bolakay Murtazining surati bir lahzada ijtimoiy tarmoqlarda mashhur bo`lgan edi. Yaqinda esa voqeaning davomi ro`y berdi. Argentina terma jamoasi yulduzi va “Barselona” klubi futbolchisi Messi afg`onistonlik bolakay haqida eshitib, unga o`zining dastxati tushirilgan haqiqiy futbolkasini sovg`a qildi.
O`shanda Lionel Messi Murtazi bilan shaxsan uchrashishga va`da bergan edi. Oradan bir yil vaqt o`tganiga qaramay, Messi o`z va`dasining ustidan chiqdi!
“Hammasi tushga o`xshaydi. Murtazi o`z ko`zlariga ishonmayapti, endi u futbolkasini echishni ham istamasa kerak. O`g`limga ko`rsatgan e`tibori uchun Lioneldan juda minnatdorman, unga katta rahmat aytaman!”, dedi bolakayning otasi Orif Ahmadiy.
Muzlagan daryoga tushib ketgan itni qutqargan o`t o`chiruvchi
Boston ko`rfazida muzlagan daryoga tushib ketgan 13 yoshli Silviya laqabli itni Shon Koul ismli o`t o`chiruvchi o`limdan qutqarishdan cho`chimadi. U itni qutqarish uchun yupqa muz ustiga yotdi. Itini sog`-omon ko`rgan egasining quvonchdan boshi ko`kka etdi.
Talaba yigit sarosimaga tushgan erkakka yordam berdi
Kanadaning Ontario shahrida yashovchi Godfri Kutto ismli talaba yigit avtobusga chiqqanda, begona erkak uning yoniga kelib o`tirdi va qo`lini mahkam ushladi. Avvaliga Godfri hech nimani tushunmadi, ammo birozdan so`ng Robert ismli bu erkakka yordam kerakligini tushundi. Ma`lum bo`lishicha, Robert miya falajligi va karlikdan aziyat chekkan. Avtobusda odamning ko`pligi uni vahimaga solgan, tinchlanish uchun birovning ko`magiga muhtoj bo`lgani bois Godfrining qo`lidan mahkam ushlagan.
Bayker kaltaklanib, yo`lga tashlangan itga yordam berdi
Otasining uyi tomon motosiklda ketayotgan Brendon yo`lda yuk mashina haydovchisining kichkina kuchukchani kaltaklayotganini ko`rdi. U ortiga qaytib, yo`lda yotgan kuchukchani ehtiyotlab, kurtkasiga o`radi va o`zi bilan olib ketdi. Brendon uni “janob Devidson”, deb atadi. Endilikda ular ajralmas do`stga aylangan.
Ota-onasi tomondan rad etilgan bemor bolalarni parvarishlagan ayol
Amerikalik Kori Salchert og`ir kasallikni boshdan kechirgach, ortiq tibbiyot hamshirasi bo`lib ishlay olmadi. Ammo mehribon ayol tinch o`tirmay, kasalligi tufayli o`limga mahkum bo`lgan, ota-onalari tashlab ketgan bemor bolalarni o`z bag`riga oldi. Shundan beri u turmush o`rtog`i Mark bilan butun hayotini kasal bolalarni parvarishlashga bag`ishladi.
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...