9 fevral kuni O`zbekiston Respublikasi Prezidenti Shavkat Mirziyoev raisligida ichki ishlar organlari faoliyati yuzasidan videoselektor bo`lib o`tdi.
Unda davlatimiz rahbari tizimda mavjud muammo va kamchiliklarga alohida to`xtalar ekan, xorijdagi fuqarolarimizning aksariyati ishlash maqsadida yurtimizdan ketgan, lekin ularning ayrimlari turli diniy-ekstremistik oqimlar ta`siriga tushib qolayotganligi tashvishli holat ekanligini qayd etdi.
“Chet elga ish qidirib ketgan fuqarolarni aniqlash va qaytarish, mahalla raislari, ma`naviyat-ma`rifat markazlari, imom-xatiblar, diniy ma`rifat va ma`naviy-axloqiy tarbiya masalalari bo`yicha maslahatchilar bilan hamkorlikda aholi orasida diniy ekstremizmning salbiy oqibatlarini targ`ib qilish borasidagi ishlar zamon talabi darajasida emas”, dedi Prezident.
