Rossiyaning Krasnoyarsk o`lkasi prokurorlari oldida “Yo hayot, yo mamot!” degan masalani hal etish muammosi turibdi, deb xabar berdi “Ntv.ru” nashri.
O`lish taqiqlangan qishloq aholisi mazkur buyruqdan norozi bo`lib, shikoyat arizasi bilan prokuraturaga murojaat qildi. Qishloq kengashi ma`muriyati qabristonda mayitni ko`mish uchun joy qolmaganligi sababli o`lishni taqiqlagan. Agar biror odam vafot etadigan bo`lsa, uni dafn etish uchun ruxsatnoma olish zarur. Bu ruxsatnoma hammaga ham berilmaydi. Qishloq aholisi baxtli va uzoq umr ko`rish o`rniga o`lim uchun ruxsat so`rashgani g`alati eshitilsa-da, ularning o`z qishloqlarida o`lishga haqqi yo`q. Chunki bir yarim ming kishi yashaydigan qishloqning qabristoni to`lgan, u erga biror mayitni dafn etib bo`lmaydi. Fuqarolarning qishloq kengashidan yangi qabriston ochish uchun er so`rab qilgan murojaati ham javobsiz qolgan. 50 yildan beri shu qishloqda yashaydigan Elena Mixaylovnaning turmush o`rtog`i vafot etganda, uni dafn etish uchun bir hafta joy izlashdi. Ilojsizlikdan mayitni qo`shnining tomorqasidagi devor tagiga dafn etishdi. Qishloq kengashi rahbarlari qishloq hududidagi erlar xususiy mulk ekanligi uchun er ajrata olmayotganliklarini, qabriston uchun yaxshiroq joy qidirayotganlarini ma`lum qildi. Bu qidiruv uzoq davom etgani uchun qishloq fuqarolari ariza bilan prokuraturaga murojaat etishdi. Hozircha esa ular boriga shukur qilib, yaqinlarining jasadini tomorqaga dafn etishga majbur ekanliklari tushuntirildi.
21.04.2024, 17:45
Kelgusi haftada Rossiya Eronga 24 ta Su-35 qiruvchi samolyotini topshiradi. Bu haqda “The Wall Street Journal” nashri ma`lum qilgandi. Eronning bir qator OAVlarining xabar berishicha, Rossiya...
15.07.2023, 09:45
Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...
14.02.2023, 13:14
Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
30.01.2023, 12:54
Daniyalik siyosatchi Rasmus Paludan Rossiyaning Daniyadagi elchixonasi yaqinida uchinchi marta Qur`onni yoqib yubordi. Endi u buni "Checheniston va uning rahbarining aybi bilan" qilganini, shuningdek, chechenistonlik...
