Sevimli

​Camolyotda tug`ilgan qizaloqqa aviakompaniya ajoyib sovg`a tayyorladi

Dunyo 13.02.2017, 17:06
Teglar: Farzand, Chaqaloq, Samolyot, Ona va bola, Qiz
​Camolyotda tug`ilgan qizaloqqa aviakompaniya ajoyib sovg`a tayyorladi

Ba`zida chaqaloqlar tug`ilish uchun shunchalik shoshilishadiki, ular kutilmagan paytda, kutilmagan joyda dunyoga kelishadi. Xeyven ismli qizaloq ham tezroq yorug` dunyoni ko`rish uchun Dubaydan Manilaga parvozni amalga oshirayotgan samolyot bortida, samoda tug`ildi. Bunday noqulay vaziyatga tushib qolgan ekipaj a`zolari vahimaga tushmay, nafaqat homilador ayolga yordam berishdi, balki aviakompaniya tomonidan yangi tug`ilgan qizaloqqa ajoyib syurpriz tayyorlashga ham ulgurishdi.

Homilador ayolning farzand ko`rishiga hali besh hafta bor edi. Ammo Xeyven samoda tug`ilishdek buyuk imkoniyatni qo`ldan boy berishni istamadi, samolyotning erga qo`nishiga 5 soat qolganida homilador ayolni to`lg`oq tutdi. Aviakompaniyaning ma`lumot berishicha, bu ekipaj a`zolarining ilk marotaba tug`ruqni qabul qilishi bo`lgan. Ammo shunga qaramay, ular mazkur vazifani a`lo darajada uddalashdi, chunki bort kuzatuvchilari tibbiy yordam ko`rsatish bo`yicha ma`lumotga ega bo`lishadi. Yo`lovchilar orasida bo`lgan hamshira ham ona va bolaga yordam berish uchun qo`lidan kelgancha harakat qildi. Yosh bolali yo`lovchilar esa chaqaloq uchun zarur bo`lgan bolalar kiyimlarini berishdi.


Tug`ruq oson va hech qanday asoratlarsiz o`tdi. Qizaloq tug`ilgandan keyin yosh ona farzandi bilan joyiga qaytib keldi. Samolyot kapitani Xeyven va onasini gospitalga yotqizish uchun rejalashtirilmagan qo`nishni amalga oshirib, samolyotni Hindistonga qo`ndirishga qaror qildi. Bu voqeadan keyin reys kechga qolgan bo`lsa-da, yo`lovchilardan shikoyatlar tushmadi. Aksincha ular bunday quvonchli hodisaning guvohi bo`lganliklaridan mamnun bo`lishdi. Hammadan ham ko`proq Xeyvenning omadi keldi. Cebu Pacific Air aviakompaniyasi rahbariyati qizaloqqa dunyo bo`ylab, tekin parvozni amalga oshirish uchun million aviamilni hadya etdi. Bu sovg`aning bahosi 108 ming dollarni tashkil etadi. Mazkur aviamilning muddati cheklanmagan, undan nafaqat Xeyven, balki uning barcha oila a`zolari ham foydalanishlari mumkin.


“Kichkintoy Xeyven! Sen ilohiy mo``jizasan, chunki 11 kilometr balandlikda, samoda dunyoga kelding. Dunyoga kelishingga ko`maklashganimiz uchun biz ham juda xursandmiz. Sen bizning eng unutilmas yo`lovchimiz bo`lib qolasan!” deb tilak bildirdi aviakompaniya.


Sharhlar

Mayami aeroportiga qo`ngan samolyot yonib ketdi

22.06.2022, 11:42

Dominikanning Red Air aviakompaniyasining samolyoti Mayami xalqaro aeroportiga (AQShning Florida shtati) qo`nganidan so`ng yonib ketdi. Bu haqda TASS xabar bermoqda. Ma`lum qilinishicha, samolyot seshanba kuni mahalliy...
O`zbekistonda yangi yilning ilk kunida qancha chaqaloq dunyoga kelgani ma`lum bo`ldi

01.01.2022, 21:48

2022 yilning 1 yanvar kuni, soat 17:30 holatiga ko`ra, mamlakatimizda jami 1448 nafar chaqaloq dunyoga keldi. Yangi yilning birinchi kunida tug`ilgan go`daklarning 732 nafari o`g`il...
AQShda yo`lovchi samolyot halokatga uchradi

20.10.2021, 09:56

AQShning Texas shtatida McDonnell Douglas DC 9-87 yo`lovchi samolyoti halokatga uchradi. Bu haqda ABC xabar bermoqda.Ma`lumotlarga ko`ra, samolyot parvoz qilganidan so`ng etarli balandlikka ko`tarila olmasdan...
Tataristonda bortida 22 kishi bo`lgan samolyot qulab tushdi

10.10.2021, 17:31

Tataristonning Menzelinsk shahrida bortida 20 nafar parashyutchi va ikkita ekipaj a`zosi bo`lgan L-410 samolyoti qulab tushdi. Bu haqida "Ria Novosti"ga tayanib Zamon.uz xabar berdi.Qayd etilishicha,...