Баъзида чақалоқлар туғилиш учун шунчалик шошилишадики, улар кутилмаган пайтда, кутилмаган жойда дунёга келишади. Хейвен исмли қизалоқ ҳам тезроқ ёруғ дунёни кўриш учун Дубайдан Манилага парвозни амалга ошираётган самолёт бортида, самода туғилди. Бундай ноқулай вазиятга тушиб қолган экипаж аъзолари ваҳимага тушмай, нафақат ҳомиладор аёлга ёрдам беришди, балки авиакомпания томонидан янги туғилган қизалоққа ажойиб сюрприз тайёрлашга ҳам улгуришди.
Ҳомиладор аёлнинг фарзанд кўришига ҳали беш ҳафта бор эди. Аммо Хейвен самода туғилишдек буюк имкониятни қўлдан бой беришни истамади, самолётнинг ерга қўнишига 5 соат қолганида ҳомиладор аёлни тўлғоқ тутди. Авиакомпаниянинг маълумот беришича, бу экипаж аъзоларининг илк маротаба туғруқни қабул қилиши бўлган. Аммо шунга қарамай, улар мазкур вазифани аъло даражада уддалашди, чунки борт кузатувчилари тиббий ёрдам кўрсатиш бўйича маълумотга эга бўлишади. Йўловчилар орасида бўлган ҳамшира ҳам она ва болага ёрдам бериш учун қўлидан келганча ҳаракат қилди. Ёш болали йўловчилар эса чақалоқ учун зарур бўлган болалар кийимларини беришди.
Туғруқ осон ва ҳеч қандай асоратларсиз ўтди. Қизалоқ туғилгандан кейин ёш она фарзанди билан жойига қайтиб келди. Самолёт капитани Хейвен ва онасини госпиталга ётқизиш учун режалаштирилмаган қўнишни амалга ошириб, самолётни Ҳиндистонга қўндиришга қарор қилди. Бу воқеадан кейин рейс кечга қолган бўлса-да, йўловчилардан шикоятлар тушмади. Аксинча улар бундай қувончли ҳодисанинг гувоҳи бўлганликларидан мамнун бўлишди. Ҳаммадан ҳам кўпроқ Хейвеннинг омади келди. Cebu Pacific Air авиакомпанияси раҳбарияти қизалоққа дунё бўйлаб, текин парвозни амалга ошириш учун миллион авиамилни ҳадя этди. Бу совғанинг баҳоси 108 минг долларни ташкил этади. Мазкур авиамилнинг муддати чекланмаган, ундан нафақат Хейвен, балки унинг барча оила аъзолари ҳам фойдаланишлари мумкин.
“Кичкинтой Хейвен! Сен илоҳий мўъжизасан, чунки 11 километр баландликда, самода дунёга келдинг. Дунёга келишингга кўмаклашганимиз учун биз ҳам жуда хурсандмиз. Сен бизнинг энг унутилмас йўловчимиз бўлиб қоласан!” деб тилак билдирди авиакомпания.
08.05.2024, 10:48
Деҳли-Чикаго йўналишида AI-127 рейсини амалга ошираётган “ Air India” авиакомпанияси самолёти Тошкент халқаро аэропортига қўнишга мажбур бўлди. Фавқулодда қўнишга йўловчилардан бирининг соғлиғи ёмонлашгани сабаб бўлган. Самолётда...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
24.01.2023, 10:05
Наманганда аёл ЙПХ автомобилида туғуруқхонага олиб кетилаётганида фарзандини дунёга келтирди. Бу ҳақда ЙҲХХ матбуот хизмати хабар бермоқда.Маълум қилинишича, 4P-112 Фарғона халқа автомобиль йўлининг 20 километрида...
22.06.2022, 11:42
Доминиканнинг Red Air авиакомпаниясининг самолёти Майами халқаро аэропортига (АҚШнинг Флорида штати) қўнганидан сўнг ёниб кетди. Бу ҳақда ТАСС хабар бермоқда. Маълум қилинишича, самолёт сешанба куни маҳаллий...
