Osiyo futbol konfederasiyasi (OFK) tashkilotga a`zo mamlakatlar federasiyalarining yangi texnik reytingini e`lon qildi, deya xabar bermoqda O`FF matbuot xizmati.
Unga ko`ra, O`zbekiston 45,524 ochko bilan 9-o`rinni saqlab qoldi hamda “G`arb” mintaqasi zonasidagi assosiasiyalar orasida 5-pog`onaga joylashdi.
OFK reytingida BAA (96,566 ochko) peshqadamlik qilayotgan bo`lsa, ikkinchi va uchinchi o`rinlarni mos ravishda Janubiy Koreya (89,238) va Qatar (78,842) egallagan.
Qayd etish joiz, OFK tomonidan kiritilgan o`zgarishlarga ko`ra, yangi texnik reyting FIFA reytingidagi ballarning 10 foizi, tegishli assosiasiyalar klublarining OChL va OFK Kubogi xalqaro musobaqalarida jamg`argan ballarining 90 foizidan tashkil topgan.
