Ijtimoiy tarmoqlarda Avstraliyada tez yurar poezdlardan biri tasodifan rels ustiga chiqib qolgan motosiklchini bosib ketishiga bir bahya qolgani aks etgan video paydo bo`ldi, deb xabar berdi “Tengrinews.kz” nashri.
Voqea Ballan shahri yaqinida yuz berdi. Temiryo`l yoqasida turgan motosiklchi rels ustiga chiqib qolgan, uning motosikli temir yo`l ko`tarmasiga qisilib qolgan. U motosiklni chiqarishga uringaniga qaramay, foydasi bo`lmagan. Poezd mashinisti Kolin Sharpning aytishicha, tez yurar yo`lovchi poezdi soatiga 160 kilometr tezlikda harakat qilgan. Videoda motosiklchini ogohlantirish uchun poezdning gudok berganini eshitish mumkin. Sharp mazkur videoni barcha qonunbuzarlarga ibrat uchun ijtimoiy tarmoqlarga joylashtirganligini, motosiklchi o`tmoqchi bo`lgan joydan 50 metr narida o`tish joyi borligini ma`lum qildi.