Kamchatkadagi kasalxonalardan birida avtobus 1,5 kilometrgacha sudrab borgan yo`lovchi ayol vafot etdi, deb xabar berdi “Vesti.ru” nashri.
Petropavlosk-Kamchatka shahrida Daewoo avtobusini boshqarib borayotgan 58 yoshli haydovchi yo`lovchilarning avtobus salonidan tushib ulgurganiga e`tibor qaratmay, ochiq eshiklar bilan yo`lga tushgan. Buning oqibatida 52 yoshli ayol avtobusdan tushib qolgan, ammo haydovchi uning tushib qolganini sezmay, 1,5 kilometrgacha ayolni sudrab borgan. Ayol olgan og`ir tan jarohati tufayli 17 fevral kuni kasalxonada vafot etdi. Polisiya bergan ma`lumotga ko`ra, ayolni eshik qisib qolgan va uni avtobus 1,5 kilometrgacha sudrab borgan. Ayni paytda huquq-tartibot idorasi xodimlari na haydovchining, na yo`lovchilarning, na yo`lda harakat qilgan avtomobil egalarining ayolning avtobusdan tushib qolishiga e`tibor qaratmaganligiga oydinlik kiritmoqda.
