Xitoyning Nanchan shahridagi mehmonxonalardan birida chiqqan yong`in oqibatida yonayotgan xonalar ichida odamlar qamalib qoldi, deb xabar berdi “Tvzvezda.ru” nashri.
Ma`lumotlarga ko`ra, bino ichida 10 nafar ishchi qolgan.
Yong`in bugun, 25 fevral kuni erta tongda boshlangan. Hozircha uning sabablari noma`lum. Yong`in chiqqan qavatda ta`mirlash ishlari olib borilayotgan edi. Voqea joyiga o`t o`chiruvchilar, tez yordam va shoshilinch xizmat xodimlari etib keldi. Mehmonxonada yashayotgan odamlar va xodimlar evakuasiya qilindi.
