Ispaniya chempionati 24-turida Madridning “Real” jamoasi safarda “Vilyarreal” klubi bilan o`zaro bahs olib bordi.
Qiziqarli va gollarga boy kechgan o`yinda madridliklar 3:2 hisobidagi irodali g`alabani qo`lga kiritishdi.
Maydon egalari 2:0 hisobida oldinda borayotgandi. Ammo Beyl, Ronaldu va Morataning ketma-ket gollari Zinedin Zidan jamoasiga muvaffaqiyat keltirdi.
Vilyarreal – Real Madrid 2:3
Gollar: 1:0 – 50 Trigeros, 2:0 – 56 Bakambu, 2:1 – 64 Beyl, 2:2 – 74, penalti Ronaldu, 2:3 – 83 Morata.
Vilyarreal – Asenxo (Fernandes, 35), Musakko, Kosta, Mario Gaspar, Ruis, Dos Santos, Trigeros (Rodri Ernandes, 75), Soriano, Kastilexo, Bakambu, Adrian (Chershev, 57).
Real Madrid – Navas, Pepe, Marselo, Karvaxal, Ramos, Modrich, Kazemiro (Isko, 58), Kroos, Beyl (Vaskes, 89), Ronaldu, Benzema (Morata, 77).
Ogohlantirishlar: Soriano (73), Soldado (73), Mario Gaspar (90), Pepe (90).
