Ma`lumki, Nilufar Usmonova ijtimoiy tarmoqlarda juda faol sanaladi. U bu tarmoqlardan shunchaki foydalanibgina qolmay, muxlislari bilan muloqotlar, turli tanlovlar o`tkazib boradi. 2015 yil avgust oyida xonanda Twitter.com ijtimoiy tarmog`i orqali she`riyat bo`yicha tanlov e`lon qiladi. Tanlov shartiga ko`ra, uning kuzatuvchilari, xonandaga o`z bitiklarini taqdim etishlari kerak edi.
Tanlov doirasida bir muxlis, Koreyada mehnat qilayotgan insonning o`z qiziga atab yozgan she`rini yuboradi. Omadni qarangki, mana shu she`r Nilufar Usmonovaning e`tiborini tortadi va u mazkur tanlovda g`oliblikni qo`lga kiritadi. Shundan so`ng xonanda g`olib bilan bog`lanib, shu she`rni qo`shiq qilib ijro qilish niyatida ekanini va muallifning ruxsati kerakligi aytadi. Muallif ham bu taklifdan boshi ko`kka etib, rozi bo`ladi. Xonanda darhol ishga kirishib, 2015 yilning o`zidayoq qo`shiqni yaratadi. Biroq ma`lum bir sabablarga ko`ra taronani omma uchun 2017 yilning boshida taqdim etishni rejalashtirishadi. Vaqti-soati bilan qishning so`nggi kunlarida, bahor fasli arafasida mazkur qo`shiq premera qilinmoqda.
“Bu she`rni birinchi marta o`qiganimda ko`z o`ngimda o`zim gavdalanganman. Ya`ni 1-3 yoshli Nilufar dadasi bilan bog`lana olmasdi. Buvim va ayamning aytishlaricha, dadamni juda ham yaxshi ko`rganman. Hattoki, sog`inib kasal bo`lib qolganman. Shu she`rni o`qib, o`zimni, dadamni tasavvur qilganman. Shuning uchun ham darhol qo`shiq qilib kuylashga kirishganman. Bugungi kunda, to`rtinchi bora ona bo`lish arafasida ushbu ijod mahsulimni xalqimizga namoyish qiladigan kun ekan, o`ylaymanki, qo`shiq barchaga manzur keladi. Taronani har bir ota tinglaganda, o`zini nomidan qizalog`iga ijro qilgandek, mehri-muhabbati oshadi. Sog`inchi yanada ortadi ” – deydi xonanda saytimizga bergan ma`lumotiga qo`shimcha qilib.
Ma`lumotlarga ko`ra, qo`shiq uchun videoklip tasvirga olish ishlari boshlab yuborilgan. Klip Sarvar Isaev va Rustam Murodov bilan hamkorlikda yaratilmoqda. Matn muallifi Navzod Hamro. Mazkur she`rni Jasur Abdurahmonov kuyga solib, sayqallagan.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...