z tomoshabiniga ega rejissyor Jahongir Ahmedov “Asal oyi” nomli galdagi komediyaga qo`l urdi. Komediyada bosh rollarni Azamat Ahrorov va Shahzoda Muhamedova ijro etmoqda. Rejissyorning “Darakchi” gazetasiga ma`lumot berishicha, u bosh rol ijrochilari Shahzoda va Azamatning o`zaro munosabatlari yaxshi emasligi tufayli suratga olish jarayonlarida qiynalmoqda.
— Bosh rollarga aynan Shahzoda Muhamedova va Azamat Ahrorovni tanlashingizga sabab — ikkovining munosabati ayni damda muxlislar e`tiborida bo`lgani uchunmi?
— Ikkovining munosabati yaxshi emasligini Misrga etib kelganimizdagina payqadim. Rolga e`tirozsiz rozi bo`lishgan edi-da. Lekin bir-biriga ko`ngil qo`ygan oshiqlar rolini ijro etishlari juda mushkul bo`lyapti, ochig`i, qiynalyapman. Nazarimda, shaxsiy munosabatlarni ishga aralashtirmaslik kerak.
Film haqida: Mazkur kinokartinaning nomidan kelib chiqib, “Asal oyi” odatdagi komediyalardan biri-da”, deya xulosa chiqarishga shoshilmang. Filmda milliy qadriyatlarga qat`iy rioya qiladigan xonadonda ulg`aygan qiz va o`ta zamonaviy yigitning taqdiri, ular orasidagi tafovut xususida so`z boradi.
“Yoshlar orasida yuzaga kelgan “Zamonaviylik va milliylik qanday bo`lishi kerak?” degan savol e`tiborimni tortdi. Filmda mazkur tafovut aslida qanday echim topishi, ota-ona va farzandlar orasidagi muammolar, chet ellarda xoru zor bo`lib yurganlar va o`tkinchi hisga aldanib yaqinlaridan kechayotgan ba`zi taqdirlar ham ko`rsatilgan”, deydi rejissyor.
Bilasizmi?
● Filmda bosh rollarni Shahzoda Muhamedova, Azamat Ahrorov ijro etgan. Qolaversa, kinokartinada Ra`no Yarasheva, Saida Rametova, Matyoqub Matchonov, Murod Rajabov, Muhammadiso Abdulxairov, Dilshod Mirzamuratovni ham ko`rishingiz mumkin.
O`ziga xos dalillar:
● Ssenariy 2 oy yozilgan.
● Kinosinov 1 oy davom etgan. 1100 ta talabgorlar orasidan san`atga aloqasi bo`lmasa-da, iste`dodli 4 ta yigit-qiz tanlab olingan.
● Tayyorgarlik jarayoni 3 oy davom etgan. Suratga olish ishlari 18 fevraldan Misrning Sharm-ash-Sheyx shahridan boshlangan.
● Suratga olinadigan ob`ektlar 21 ta.
● Curatga olish ishlari 10 kun Misr, 4 kun Turkiya, 15 kun Toshkentda o`tadi.
● Bosh qahramon 2 ta.
● Personaj 34 ta.
● Jami ijodiy guruh a`zolari soni 67 ta.
● Premera may oyining o`rtalarida.
Sadoqat ALLABERGANOVA
tayyorladi
