Aktyor Muhammad Iso Abdulxairov jurnalist Jasur Hamroev bilan suhbatda hayotida o`kinch bilan eslaydigan eng katta xatosi haqida gapirdi.
“Juda katta xatoim bor. Juda uzoq safarda bo`lganim bois, onamning janozasiga kelolmaganman. Uchta samolyot almashib boriladigan uzoq davlatga shartnoma tuzib ishlashga ketganman. Ketganimdan 10 kun o`tgach, onam vafot etgan. Men onam vafot etganidan so`ng 6 kun o`tib kelganman.
Shuning uchun, farzand bo`lib,ularning tobutini ko`tarolmaganman. Bu men uchun juda katta xato. Ilmli insonlardan bu harakatning echimi qanday bo`ladi, deb so`raganimda, ular bu ishni atay qilmagansizku, deb javob berishgan”,—deydi Muhammad Iso Abdulxairov. “Har juma kuni onamning qabriga boraman. Imkon qadar, otam, akalarim, jiyanlarim onamning qabriga borib, Qur`on tilovat qilamiz”.
