O`zbek yoshlari orasida shuhrat qozongan “Bojalar” guruhi xonandalari bilan 2009 yilda sodir bo`lgan mudhish xodisa bir insonning yosh umriga zavol bo`lgandi.
Guruh xonandasi Mo`min Oripov ushbu baxtsiz hodisa sababli 25 yoshida hayotdan ko`z yumgan. Mazkur noxush voqea 28 dan 29 iyunga o`tar kechasi Surxondaryo viloyatida bo`lgan. Bugun u tirik bo`lganida 33 yoshni qarshi olgan bo`lardi... U oramizda yo`qligiga ham 8 yil bo`libdi.
Ushbu sana munosabati bilan Kamola Oripova turmush o`rtog`ini yodga oldi:
“2005 fevral oylari edi. “Bojalar” guruhi kuniga ikkita seansdan Toshkent shahar IIBBning zalida do`stlari bilan birgalikda konsert berishgandi. Do`stlari orasida Shohruhxon, McShod, mr.Jocker va Afruz guruhi bor edi. Har kuni ularni ko`rishga borar edim, lekin hali Mo`min akam bilan oramizda faqat do`stlik edi. Obed olib borarmidim. Konsert tugasa saxnani orqasiga chaqirib olar edilar, juda ham samimiy inson edilar... Hayotimdagi eng baxtli damlarimni hech narsa bilan qiyoslab bulmaydi, bu damlar esa Mo`min akam bilan bog`liq. Ohiratlari obod bulsin...”
Darhaqiqat hayot beshavqat, Yaratgan qachon kimni oramizdan olib ketishini hech birimiz bilmaymiz. Shunday ekan yaqinlarimizni e`zozlaylik. Marhumlarning ruhlari shod bo`lsin!
