Osiyo mintaqasidan JCh–2018 turniriga saralash bosqichi “A” guruhi 7-turida O`zbekiston terma jamoasi Toshkentda Qatar futbolchilariga qarshi bahs yuritadi. Mazkur o`yin 28 mart, seshanba kuni Toshkent shahridagi 34 ming muxlisga mo`ljallangan “Bunyodkor” stadionida bo`lib o`tadi. Bellashuv soat 18:00 da boshlanadi.
O`zaro uchrashuvlar
O`zbekiston terma jamoasi Qatarga qarshi 12 ta bellashuvda ishtirok etib, 7 marta g`alaba qozongan. 3 o`yinda qatarliklar zafar quchgan va 2 tasida tomonlar murosa ko`chasini tanlagan. Qatar terma jamoasi Toshkentda 4 marta mehmon bo`lib, barchasida imkoniyatni boy bergan.
Jamoalar o`rtasidagi so`nggi 5 uchrashuv natijasi:
06.09.2016
Qatar – O`zbekiston 0:1 | JCh–2018 saralashi
06.10.2014
Qatar – O`zbekiston 3:0 | O`rtoqlik uchrashuvi
18.06.2013
O`zbekiston – Qatar 5:1 | JCh–2014 saralashi
16.10.2012
Qatar – O`zbekiston 0:1 | JCh–2014 saralashi
07.01.2011
Qatar – O`zbekiston 0:2 | Osiyo Kubogi–2011 saralashi
FIFA reytingidagi o`rni
O`zbekiston milliy terma jamoasi ayni damda 561 ochko bilan FIFA reytingida 63-pog`onadan joy egallab turibdi. Osiyo mamlakatlari orasida milliy terma jamoa Eron, Janubiy Koreya, Yaponiya, Avstraliya va Saudiya Arabistonidan keyin oltinchi o`rinda joylashgan.
Qatar terma jamoasi 415 ochko bilan jahon reytingida 84-pog`onada bormoqda. Osiyo mamlakatlari orasida esa Qatar yuqoridagi mamlakatlar va BAAdan keyin 8-o`rinda bormoqda.
Yo`qotishlar
O`zbekiston terma jamoasi himoyachisi Vitaliy Denisov jarohati tufayli, Islom To`xtaxo`jaev esa sariq kartochkalari to`planib qolgani uchun Qatarga qarshi o`yinni qo`yib yuboradi. Qatar safida Bualem Xuxi Eron bilan bahsda ogohlantirish olgandi va shu sababli bitta o`yinga diskvalifikasiya qilindi.
Uchrashuv rasmiylari
Uchrashuv bosh hakami etib iroqlik Muhammad Qosim Sarray tayinlandi. Qanotlarda uning hamyurtlari Muhammad Muayyad Ali va Vothiq Obaid al-Suaydi ishlaydi. To`rtinchi hakam vazifasini ham iroqlik Zoid Tamer Muhammad bajaradi. Hakamlar nazoratchisi – Yoqub Muhammad Rodzali (Malayziya). Uchrashuv komissari etib hindistonlik Prins Rufus tayinlandi.
Guruhdagi vaziyat
JCh–2018 turniriga Osiyo mintaqasidan saralash bosqichi “A” guruhi 6-turidan keyin Eron terma jamoasi 14 ochko bilan peshqadamlik qilmoqda. 6-turda mag`lubiyatga uchragan Janubiy Koreya 10 ochko bilan 2-o`rinni saqlab qoldi. Safarda Suriyaga imkoniyatni boy bergan O`zbekiston terma jamoasi ham 9 ochko bilan uchinchi o`rinda qoldi. Keyingi o`rinlardan mos ravishda Suriya (8 ochko), Xitoy (5 ochko) va Qatar (4 ochko) terma jamoalari joy egallagan.
Bugun, 28 mart kuni “A” guruhida, shuningdek, Eron terma jamoasi o`z maydonida Xitoyni qabul qildi. Suriya termasi esa Janubiy Koreya mehmoni bo`ldi.
JCh–2018 saralashi
“A” guruhi, 7-tur
Janubiy Koreya – Suriya (16:00 )
Eron – Xitoy (17:00)
O`zbekiston – Qatar (18:00)
Izoh: Yuqoridagi soatlar Toshkent vaqti bilan ko`rsatilgan
10.05.2024, 15:14
Yig`ilishda kun tartibidagi ikkinchi masala – barcha joylarda “Sayxunobod” tajribasini jadallashtirish muhokama qilindi. Bu haqda Prezident matbuot xizmati xabar berdi.Bu borada boshlangan ishlar natijasida aprel...
06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
