Rossiyaning Tver shahrida 13 yoshli qizini kaltaklab, qaynoq suv quyib o`ldirgan qizning ota-onasi sud qilinmoqda, deb xabar berdi Ntv.ru nashri.
Sudda qizning onasi va o`gay otasidan nima uchun qizni bunchalik qiynashgani haqida so`ralganda, “bu tarbiya usuli”, deb o`zlarini oqladi. Qizning onasi Anastasiya Kulagina va o`gay otasi Sergey Balashovlar qizni avvaliga kaltaklashgan, keyin ustidan qaynoq suv quyishgan. Oqibatda olgan tan jarohatidan qiz vafot etgan.
Anastasiya Kulagina: “Men hech kimni o`ldirishni istamagandim, hammasi ehtiyotsizlik oqibatida bo`ldi. Uni jazolaymiz, deb oshirib yuboribmiz”.
Qizcha arzimagan narsaga, kastryulning qopqog`ini yo`qotib qo`yganligi uchun shafqatsizlarcha jazolangan. Qo`shnilarning aytishicha, butun ro`zg`or tashvishlari 13 yoshli qizning bo`ynida bo`lgan. Avvaliga qizni o`gay otasi gantel bilan urgan, keyin onasi kamar bilan kaltaklashni davom ettirgan. Qizni jazolashda uning 15 yoshli akasi ham ishtirok etgan. O`sha kuni u ham ota-onasi bilan birga o`tirib, spirtli ichimlik iste`mol qilgan.
Qiz kaltaklardan holsizlanib polga yiqilganda, o`gay otasi uch marotaba choynakni qaynatib kelib, ustidan qaynoq suv quygan. Jazolash bir necha soat davom etgan. Shifokorlarning xulosasiga ko`ra, qiz travmatik shokdan vafot etgan. Oiladagi uch farzanddan, to`ng`ich qiz ko`proq jazolangan. Tergov davomida er-xotin aybni bir-biriga ag`dardi va qilgan ishlaridan pushaymon ekanliklarini bildirdi. Qizni kaltaklashda ishtirok etgan akasi ham yaqin kunlarda qilgan jinoyati uchun sud oldida javob beradi. Uning voyaga etmaganligi tufayli jinoiy ishning ma`lum qismi alohida ish yurituvi uchun ajratildi, shuning uchun unga nisbatan engilroq jazo qo`llanilishi mumkin.
07.09.2022, 12:07
Jizzaxda ayol o`z eri tomonidan o`ldirildi. Bu haqda viloyat IIB matbuot xizmati xabar bermoqda. Ma`lum qilinishicha, joriy yilning 2 sentyabr kuni Jizzax viloyati Zarbdor tumani Yangihayot...
10.01.2022, 21:58
Namanganda 150 ming so`m evaziga Instagram sahifasidagi obunachilarini ko`paytirish ortidan ikki bloger o`rtasida kelib chiqqan kelishmovchilik qotillik bilan tugadi.Qayd etilishicha, hodisa Chust tumanida o`tgan yilning...
10.08.2021, 17:29
Termizda qidiruvdagi qochqin qo`lga olindi. Bu haqda Surxondaryo viloyati IIB xabar berdi.Ma`lum bo`lishicha, Termiz tumani “Sh.Rashidov” mahallasida yashovchi fuqaro X.Ilhom 2021 yil 29 iyun kuni...
10.08.2021, 16:44
2021 yil 6 oyida har 100 ming aholi soniga nisbatan 132 ta jinoyat to`g`ri kelgan. Bu haqda AOKAda o`tkazilayotgan matbuot anjumanidan maxsus muxbirimiz Abdukarim Zaripov...
