AQSh FQB xodimasi, tarjimon vazifasida ishlagan Daniela Grin 2014 yilda Suriyaga borib, “Islom davlati” xalqaro terrorchilik tashkiloti jangarisi Denis Kuspertga turmushga chiqqan, deb xabar berdi Lenta.ru nashri.
Daniela Grin Kuspertni AQSh hukumati qidirayotganligidan ogohlantirgan. U turmush qurgandan bir necha hafta o`tgach, qilgan xatosini tushunib, uyiga qaytib kelgan. Ayol vataniga qaytgach, tergov bilan hamkorlik qilishga rozilik bildirib, o`z aybini, yolg`on ko`rsatma berganini tan oldi. Oqibatda unga ikki yil ozodlikdan mahrum etish jazosi tayinlandi. Daniela 2016 yilning yozida ozodlikka chiqdi.
Germaniyalik sobiq reper Denis Kuspert terrorchilar guruhidagi eng obro`li jangarilardan biri hisoblanadi. U terrorchilikni tashviqot qilgan, hattoki tanasidan judo qilingan inson boshini ko`tarib, videorolikda suratga tushgan. Nashr Amerika hukumati Daniela Gringa nisbatan juda engil jazo berganidan hayratga tushganini bildirdi.
