Ozib ketgan Bred Pittning surati bir paytning o`zida GQ jurnalining turli uchta muqovasida paydo bo`ladi, deb xabar berdi “Gazeta.ru” nashri.
Mazkur jurnal uchun fotosessiya AQShning milliy xiyoboni hududida bo`lib o`tdi. Uni Rayan Makginli suratga oldi. Sakkiz kun davomida Bred Pitt va Makginli “Oq qum” qo`riqxonasida, “Karlsbad g`orlari” va “Evergleyds” milliy xiyobonlarida bo`lishdi. Aktyorning tabiat qo`ynida tushgan suratlari jurnalning yozgi sonlari muqovasini bezaydi. Shundan keyin nashr Bred Pittning Los-Anjeles shahridagi uyida undan intervyu oldi. Mazkur intervyu aktyorning Anjelina Joli bilan ajrashganidan keyingi ilk intervyusidir. U suhbat davomida muhabbat, yo`qotish, otalik hissi va har qanday vaziyatda ham olg`a intilish lozimligi haqida so`z yuritdi.
