Argentinaning Buenos Ayres shahrida yashovchi 25 yoshli yigit Luis Padron bolaligidanoq elf, farishtalar va boshqa fantastik mavjudotlarga qiziqardi. Aynan shu qiziqishi tufayli tengqurlari uning ustidan kulishardi.
Argentinalik yigit ulg`aygach, fantastik mavjudotlardan biriga aylanishga qaror qildi.
U 14 yoshli paytida boshidagi sochlarini oqartirdi. Endilikda yigit turli xildagi kremlar, bo`yoqlar, ukol va quyoshdan himoya qiluvchi kremlar uchun har oyda 5 ming dollar pul sarflamoqda.
Luis, shuningdek plastik jarrohlik uchun 35 ming dollar sarfladi. U iyagi shaklini o`zgartirdi, rinoplastika qildirdi. Yigit sog`lig`iga tavakkal qilgan holda ko`zlari shaklini ham o`zgartirdi.
Fentezi olami ishqibozi umumiy hisobda 40 ga yaqin jarrohlik amaliyotini boshdan kechirdi.
Padron endilikda tashqi ko`rinishi bilan boshqalardan tubdan farq qiladi. U boshqalarning fikri o`zini umuman qiziqtirmasligini aytadi.
Biroq, tabiiyki mukammalikning chegarasi yo`q. Shuning uchun hozir argentinalik quloqlari shaklini o`zgartirish yoki ular o`rniga implantant qo`yishni rejalashtirmoqda. Shuningdek, Padron bo`yi uzunligi 180 santimetrga etishi uchun yana bir jarrohlik amaliyotiga murojaat qilishni rejalashtirmoqda.
