AQShning Ogayo shtatidagi qariyalar uyida bo`lgan otishmada mahalliy polisiya boshlig`i va muassasaning 2 nafar xodimi halok bo`ldi, deb xabar berdi Ntv.ru nashri.
Otishma Ogayo shtatining Kirkersvill aholi punktida sodir bo`ldi. Qurollangan odam to`g`risida xabar kelib tushgandan so`ng, polisiya bo`limining 36 yoshli rahbari voqea joyiga yo`l oldi. Shundan keyin qariyalar uyidan polisiya boshlig`i va muassasaning 2 nafar xodimi jasadi topildi. Otishma yuz berganda qariyalar uyida 23 kishi bo`lgan. Ayni paytda jinoyatchini tutish va jinoyatning sababi aniqlanmoqda. Halok bo`lgan polisiya boshlig`i o`z lavozimida ish boshlaganiga endigini 3 hafta bo`lgan edi.
