Xakerlar The Walt Disney kompaniyasining hali ekran yuzini ko`rmagan filmini o`g`irlab, agar pul berishmasa, uni ijtimoiiy tarmoqlarga joylashtirish bilan tahdid qilmoqda, deb xabar berdi Tengrinews.kz nashri.
Nashrning xabar berishicha, xakerlar film evaziga kompaniyadan katta miqdordagi pulni talab qilib, aks holda avvaliga filmdan 5 daqiqalik, keyin 20 daqiqalik parchani ijtimoiy tarmoqlarga joylashtirish bilan tahdid qilgan. Gap qaysi film haqida ketayotgani ma`lum qilinmagan. So`nggi ma`lumotlarga ko`ra, kompaniya talab qilingan pulni to`lashdan bosh tortgan. Mazkur holat yuzasidan Federal tergov bo`limi tergov ishlarini boshladi.
