Xitoyda it erga tiriklay ko`milgan chaqaloqni qutqardi, deb xabar berdi Lenta.ru nashri.
Voqea Xitoyning Chunsin shahrida ro`y berdi. It egasining ma`lumot berishicha, uning iti bezovtalanib, o`t-o`lanlar orasini kavlay boshlagan. Iti kavlagan o`raga nazar tashlagan egasi u erda oq matoga o`ralgan va yig`layotgan chaqaloq yotganligiga ko`zi tushgan. Chamasi it uni hididan topgan. Chaqaloq kasalxonaga yotqizildi. Shifokorlarning ma`lumot berishicha, chaqaloqning og`ziga tuproq to`lib qolgan, yurak urishi sustlashib, tana harorati tushib ketgan. Shifokorlarning sa`y-harakatlari tufayli chaqaloq o`zini ayni paytda yaxshi his qilmoqda. Tekshiruv jarayonida chaqaloq bundan bir oy ilgari dunyoga kelgani aniqlandi. Polisiyachilarning taxminiga ko`ra, chaqaloqni ota-onasi uni olamdan o`tgan deb o`ylab, dafn etgan. Hozircha bolaning ota-onasini topishning iloji bo`lmadi.
