Ijtimoiy tarmoqlarda xitoylik jarrohlarning bemorni operasiya qilish jarayonida mushtlashgani aks etgan video tarqaldi, deb xabar berdi Vesti.ru nashri.
Voqea 12 may kuni Xenan provinsiyasining Lankao uezdidagi kasalxonada sodir bo`lgan.
Videoda erkak va ayol shifokorlar o`rtasidagi dahanaki jang mushtlashuvga aylanib ketgani aks etgan. Birinchi bo`lib ayol qo`l qo`targan bo`lsa, erkak uni bir zarba bilan urib yiqitdi, shundan keyin boshqa tibbiyot xodimlari ularni ajratishga harakat qildi. Mazkur juftlik bir-birini yoqtirgan, ammo oddiygina kelishmovchilik oqibatida janjal ko`tarilgan. Janjalga erkak jarrohning ayol hamshiraga bergan tanbehi sabab bo`lgan. Janjal oqibatida hech kim jiddiy jarohat olmadi. Kasalxona rahbariyati polisiya bilan hamkorlikda bo`lib o`tgan hodisa yuzasidan tergov ishlarini olib bormoqda.
