Ижтимоий тармоқларда хитойлик жарроҳларнинг беморни операция қилиш жараёнида муштлашгани акс этган видео тарқалди, деб хабар берди Vesti.ru нашри.
Воқеа 12 май куни Хэнан провинциясининг Ланькао уездидаги касалхонада содир бўлган.
Видеода эркак ва аёл шифокорлар ўртасидаги даҳанаки жанг муштлашувга айланиб кетгани акс этган. Биринчи бўлиб аёл қўл қўтарган бўлса, эркак уни бир зарба билан уриб йиқитди, шундан кейин бошқа тиббиёт ходимлари уларни ажратишга ҳаракат қилди. Мазкур жуфтлик бир-бирини ёқтирган, аммо оддийгина келишмовчилик оқибатида жанжал кўтарилган. Жанжалга эркак жарроҳнинг аёл ҳамширага берган танбеҳи сабаб бўлган. Жанжал оқибатида ҳеч ким жиддий жароҳат олмади. Касалхона раҳбарияти полиция билан ҳамкорликда бўлиб ўтган ҳодиса юзасидан тергов ишларини олиб бормоқда.
