Afg`onistonning poytaxti Qobul shahridagi Germaniya elchixonasi yaqinida kuchli portlash bo`ldi, deb xabar berdi Tengrinews.kz nashri.
Elchixona binosi yonida minalangan avtomobil portlagan. Portlash mahalliy vaqt bilan soat 08.30 da ro`y berdi. Oqibatda 10 dan ortiq odam halok bo`ldi, yuz nafarga yaqin odam yaralandi. Ayni paytda 67 nafar yarador kasalxonaga yotqizildi. Aksariyat binolar zarar ko`rib, ularning eshik, oynalari sindi. Portlash oqibatida Qobuldagi Sinxua byuro agentligi binosi ham shikastlandi. Hozircha birorta terrorchilik tashkiloti mazkur portlash javobgarligini o`z bo`yniga olmadi.
